Кригла Пиво

Рибља Чорба, Студени Нозе, Ефто Пупиновски на Пиволенд, отворен конкурс и за млади музичари

Рибља Чорба, Студени Нозе, Ефто Пупиновски на Пиволенд, отворен конкурс и за млади музичари

Пиволенд“ и оваа година ќе се погрижи да ја вжешти атмосферата во Скопје по завршувањето на летните одмори. Од 31 август до 4 септември, Скопското Кале ќе биде збирно место на сите љубители на пивото и добрата забава. Од организацијата откриваат дел од изведувачите кои ќе се погрижат за одлична атмосфера. Ќе се потсетиме на старите хитови на „Студени нозе“, ќе ја пееме во еден глас „Туѓа си бескрајно“ со Ефто Пупиноски, ќе не фати носталгија со „Рибља Чорба“, а ќе ги чуеме и „Трибјут ту Колдплеј“, енергична рок музика од светските топ листи.

На фестивалот ќе може да се дегустираат над 150 видови пиво од сите страни на светот, по промотивни фестивалски цени, комбинирани со најдобрите македонски гурмански деликатеси.

Покрај музичкиот и гастрономскиот дел, во текот на петте фестивалски денови предвидени се и многу забавни активности за сите посетители.

Во склоп на фестивалот ќе има три бини, од кои едната ( Bla Bla & Music Circle) традиционално е резервирана за млади македонски артисти од сите музички жанрови кои сакаат да се промовираат пред домашната публиката. За да земете учество на Пиволенд 2016, треба да ги испратите вашите демо снимки на мејлот blabla.televizija@gmail.com, како и на фaн пејџот на Music Circle.

Ви се допаѓа овој напис? Споделете го!

Автор

Кригла Пиво има за цел да ги обедини љубителите на пиво на едно место во виртуелниот веб простор. Пивото ни е главна инспирација и водилка во уредувањето на сајтов, но тука наоѓаме простор и за музика, спорт, е-маркетинг, блогови и се што мислиме дека е интересно за нашите посетители.

Додади нов коментар